مكتبه الامتداد للأغـــــــانــــــــي الســودانــيـــه

عايزين نعمل لينا مكتبه ظريفه كدا نجمع فيها الاغاني

نكتب الغنية و اسم الفنان معاها


و يلا يدكم معانا

انا حا ابدا ليكم و يا ريت تعجبكم الفكره.



جناين الشاطى
خليل فرح
----------
بين جناين الشاطىء وبين قصور الروم
حي زهرة روما وأبكي يا مغروم
دره سالبه عقولنا لبسوها طقوم
ملكة آسرة قلوبنا تبين عليها تقوم
في الطريق إن مرت بالخلوق مزحوم
كالهلال الهلّ الناس عليها تحوم
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضوّ فوقه فنار
منه هل الشارع منه بقّ ونار
طالعة ما بتقابل زي لهيب النار
تحرق البتهابل والبعيد في نار

أنت حكمة
الشاعر محمد علي عبدالله

أنت حكمة أنت آية ولا إنسان
أنت صاحي ولا نايم
ولا طرفك من طبعو نعسان
أنت راحي أنت روحي أنت انسان
عيني يا صاحي وأنت أحسان
انت نادى انت هادى وأنت ميسان
انت ظافر انت ضافر أسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى يا مماتى هاك سطران
الصبابة ومر عذابها وقلبى اقران
وانت ساهى انت لاهى انت بطران
يا صفائى يا وفاى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبى خافق هل توافق قدرى ينهان
يا حبيبى كن طبيبى أمرى حيران
طول نهارى ثم ليلى ساهى سهران
طال عذابى وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بى غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان

إنت عارف
سيد عبدالزيز

إنت عارف
أنا بحبك . وبحلف بك
ولا ماك عارف بالمرة
إنت صارف عني مدة
وأنا خايف تتحدى
أنا خايف
متى نبدأ التعارف
والتألف والمودة
ياحبيبي من فضلك
جاملني طاوعني
لاتخالف واحده مرة
أنا شايف
أنا شايف
المحاسن الطرائف
في صمتك في كلامك
في عيونك في إبتسام
في خدودك في قوامك
إنت جالس إنت ماشي
إنت واقف إنت نايم
صغير غرير الطرف حالم
ماك عالم ماك عارف
أنا طرفي جفا المنام
آلف الحب والهيام
مع الجمال بالعواطف
في هواكم إستمر
متين أصادف
رضاك علي وعلي توالف
هواي مناي حياتي حبك بالمحبة
بلاك أشوف النور ظلام
وأذوق طعم كل حاجة مرة
زورني مرة
إن رأيتك بالقرب مني
سعد أظني ... هل تدري إني
أحس بعظمة وشأن كبير
أفرح كتير فرح كبير
أكاد اطير من الفرح
والأمل أحيا وأخالف المسرة

صباح النور
الشاعر سيدعبد العزيز

صباح النور عليك يازهور
صباحك يوم يقاس بدهور
يالزهر الفي رياض وزهور
في خدرك وحسنك مشهور
هلال محياك المابي ظهور
هلال ماهلت مثله شهور
زهر طاهر مالمغرور
عليه جناح الرضا مفرور
صباحه سعادة بكل سرور
جماله يغني عليه سرور
نظرتك جالس بين خدور
بدري هناك أنكشفوا بدور
تفوق نيشان ممتاز في صدور
العظما المثلوا أعظم دور
جلاله جلال ملكاً منصور
دلاله دلال مقصور في قصور
فيه جمال الكون محصور
بديع ماشافت مثله عصور
يلوح للعين من نورك نور
شعاع الشمس على البلور
جهرت عيوناً كفاك يانور
قلوبنا رميتن في التنور
فريد حسنك ودلك موفور
وأنا دمعي يجر مجرى البسفور
تزيد في عناد ودلال ونفور
وبرضي أقول ذنبك مغفور
أيا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

من حور الجنان
الشاعر سيدعبدالعزيز

من حور الجنان أم أنت إنسان الكمال
هل أنت الملاك جيت تورى الناس الجمال
سبحان من أنشاك حسناً فى غاية الكمال
يهواك الجنوب واليك ينقاد الشمال
وما أظن يحصوا حسنك لو يحصوا عدد الرمال
وبايه يقدروك يا ملك ملوك عصر الجمال
سلطان بهجتك محروس بجيوش الجلال
ويغار من صفاء حسنك صفاء ماء الزلال
فى مراية خدودك أِشوف تأكيد سحر الحلال
وأِشوف فى سما حسنك كل يوم يسطع هلال
صفا ماء الجمال فى مجال جمالك راق وجال
زى ماء الحياء فى عيون ربات الحجال
وما فعل السلاح تفعل عيناك النجال
مكسور الطريف كسر قلوب الرجال
يا خلاصة المعاني الصار معناك موضع مثال
فوق المحسنات حايز لطف وكرم خصال
الهة الجمال يعترفوا ليك ماليك مثال
تتمنى البدور تقبيل يداك بامتثال
يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال
يالغصن الرطيب عاجبنى فيك الإنهداك
اللادن قوامك من ملين وذو اعتدال
جوهر حسنك الصافى وسيرك طاهرات عدال
آيت بينات مافيهن للكافر جدال
شاركت الغمام والموج مناظر وإرتحال
شاركت الظبا فى نفرتن والاكتحال
شاركت القلوب فى موضعهن وعلى كل حال
نفداك بالنفوس وفدا النفوس كان المحال

الزمان زمانك
عبدالرحمن الريح
الزمان زمانك
أهدى لي مـن فـضـــلـك نـظـره فى رمانك
يا الفريـــــــد فـى عصرك قلبى فاقد امانك
حرام عليك تهجرنى وترضى بى حرمانك
بالكـمــال شــرفـــــت مـنــاطق ام درمانك
وبالجمال امــتــــــزت عـلـى شباب أزمانك
يا أنيس الصـيـــــــد أنــا فى الغرام إنسانك
انت روح شعـــرى وانا فى الشعر حسانك
ان قصدت هلاكــى تـجــدنـى مـن فرسانك
وان عـطــفــــت عــلـــى ذاك مـن إحسانك
يا الحنـيـــن فـى نفـسك قولى ويـنه حنانك
شلت قلـــــــبـى ودمــى خـضـبـت بيهو بنانك
ان مرقت تـــمــر فى الـروض عـلى افنانك
النجوم تـتـــــــغــزل فــى بـيــــاض اسنانك

يا روحي انصفني
الشاعر / /عبدالرحمن الريح

في حكمك لأنو قاسي علي أنا يا حبيب ظلمك
تظلمني والأيام قد تنصف الانسان
نشاهد المحبوب عفوا عيان وبيان
بالنسبة للطفك والرقة يا فتان
ما كنت تظلم من قد أضحى بيك ولهان
تتركني للماضي مع انه في الامكان
نجدد الذكرى وتنسى كل الكان
هيامي بيك يا فاتن مصدره الانصاف
انصفت حسنك حب وانصفت حبي عفاف
ذوبت روحي معاني دقيقة في الاوصاف
هومت نفسي خيال في معبدك طواف
سكبت روحي على كاس المحبة سلاف
هل بعد ذلك كل سهام نواك اهداف
يا حبيبي غرامي تركته للايام
تركت حب ودموع تركت شوق وهيام
عودت نفسي اذا ما اشتدت الالام
اصبر على الحرمان واضحي بالاحلام
جنة هواي العذري ندية كالانسام
تخلي نار الشوق بردا علي وسلام

لحظك الجراح
أبو صلاح


لحظك الجرّاح
أذاي فيهو ، وفيهو الطرب والراح
منايا يا زهرة الأفراح
للقلوب شرّاح
مبتعد شيء عجيب ، مسجون وعندو سَرَاح
بيّ ضاق الكون ، لا أجدلو بَرَاح
منّي فارق ، وشال نوم عيوني ورَاح
عمري أضحى مُبَاح
وفي الغرام لا أقصد غير لقاك أرباح
سِرِّي ليك يُبـاح
مع الظلام تتبسم وليلي يبقى صباح
جيش غرامك زَاح
هَـدَّ حِصـن المُهجة ، ولي دِمَاي نَزَّاح
وعقلي كـاد ينزاح
وقُلّي هجرك جَـدْ يا جافي ولاّ مِـزاح
ليك مُحَي وضَّـاح
وليك جبين بي نور ماء الحياءْ نَضّـاح
والدمع فضَّـاح
وبي سِـرْ هواي البَيْ تعلمبو دون إيضَاح
تِعبَت الأصْـفَاح
وطرفي جافى النوم من طِيب عبيرو الفاح
من جفونو صِفَـاح
في بيسيمو عقد الدُر ، في صدرو جوز تفاح

لحظك الجراح
أبو صلاح


لحظك الجرّاح
أذاي فيهو ، وفيهو الطرب والراح
منايا يا زهرة الأفراح
للقلوب شرّاح
مبتعد شيء عجيب ، مسجون وعندو سَرَاح
بيّ ضاق الكون ، لا أجدلو بَرَاح
منّي فارق ، وشال نوم عيوني ورَاح
عمري أضحى مُبَاح
وفي الغرام لا أقصد غير لقاك أرباح
سِرِّي ليك يُبـاح
مع الظلام تتبسم وليلي يبقى صباح
جيش غرامك زَاح
هَـدَّ حِصـن المُهجة ، ولي دِمَاي نَزَّاح
وعقلي كـاد ينزاح
وقُلّي هجرك جَـدْ يا جافي ولاّ مِـزاح
ليك مُحَي وضَّـاح
وليك جبين بي نور ماء الحياءْ نَضّـاح
والدمع فضَّـاح
وبي سِـرْ هواي البَيْ تعلمبو دون إيضَاح
تِعبَت الأصْـفَاح
وطرفي جافى النوم من طِيب عبيرو الفاح
من جفونو صِفَـاح
في بيسيمو عقد الدُر ، في صدرو جوز تفاح

أيام صفانا

محمد بشير عتيق

أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور

الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور

يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري

هل أنت معى؟ ..
شعر محمد محمد على ..
غناء عبد العزيز داؤود

همسات من ضمير الغيب تشجى مسمعى
وخيالات الأمانى رفرفت فى مضجعى
وأنا .. بين ضلوعى .. لا أعى
****
عربدت بى هاجسات الشوق إذ طال النوى
وتوالت ذكرياتى .. عطرات ... بالهوى
كان لى فى عالم الغيب غرام ... و أنطوى
****
كان لى فى الأمس أحلام وشوق وحبيب
كان للجرح طبيب ... لا يدانيه طبيب
كان ... ما كان ... وبتنا كلنا ناء غريب
****
سكر السمّار ...و الخمّار فى حان الغرام
وأنا الصّاحى أرى فى النور أشباح الظلام
وغدت كأسى على راحى ... بقايا من حطام
****
عادنى الوجد إلى ليلى ... وكأسى المترع
وسعير الحب يشقينى... ويشقى مضجعى
ولهيب الشوق يدعونى فهل أنت معى؟

كلمات وألحان : الفنان /صلاح مصطفي

إداء :مي عمر

كلمات:- محمد عوض الكريم القرشي
غنــاء:- عثمان الشفيع







لـحـن الحيــــاة

لحن الحياة منك و ما تقول
نسينا الماضي و صرنا ناسينك
محبــوبي محبــوبي يا جميـل


سألوني منك عرفتهم
ايه الصفات عنك خبرتهم
شافوا الجمال منك اقنعتهم

طولتا لكنك انا يا حبيب الروحي
اعفيني و من ظنك
محبــوبي يا جميــل

سالمني بايدو و الدمع انهمر
ذكرني بي ريدو اوقات السمر
ساحرني بي محيو و جنني و اسـر
شاغلني بنورو و كم احكي للقمر

بس تنسا كيفنك
و انتا الوحيد
بالزات الكنا ذاكرينك

و فينا الملامة يا روحي
و كل الهياما يا روحي
ويا من تعاما يا روحي
سـلاما ســـلاما يا روحي
و ذكرى محبي يا روحي
تموجو بقلبـي يا روحي
وانتا بقربي يا روحـي
حياتي و حبي يا روحـي

وآآآهنا و انتا بعيـد ما كنا ناسينك
و الحب عليك يزداد قمرا يفوت ظنك

ازهري محمد علي

الحــزن النبـــيل
وبــقــيــت أغـــنــــي عــلــيـــك ..
غـنــاوي الـحـسـرة والأســـف الـطـويــل ..
وعــشــان أجــيــب لــيــك الــفـــرح ..
رضـــيـــان مــشــيــت للـمـسـتـحـيـل
ومــعــاك فــــي آخـــــر الــمـــدى ..
فتـيـنـي ياهـجـعـة مـواعـيــدي الـقـبـيـل ..
بعـتـيـنـي لــــي حــضــن الأســـــى ..
وسـبـتـيـنــي لــلــحــزن الـنـبــيــل ..
******
ومشـيـت مـعـاك كــل الخـطـاوي الممـكـنـة ..
وبـــقـــدر عـلـيــهــا وبـعــرفــهــا ..
أوفـيـت ومــا قـصـرت فــي حـقـك ولا كــان..
عـــرفـــة غـــيـــرك أصــادفــهـــا ..
وقــــدر هــــواك يـجـيـبـنـي لــيـــك ..
جـــمـــع قـلــوبــنــا وولــفــهـــا ..
وكتـيـن بقـيـتـي مـعــاي فـــي أعـمـاقـي ..
فـــي أعـمــاق مـشـاعــري الـمـرهـفـة ..
لا مـــنـــك إبـــتـــدت الـــظـــروف ...
لا بــيــك إنـتـهــت الأمــانــي الـمـتـرفـه
******
نــــــدمــــــان أنـــــــــــــا ..
أبــداً وحـاتـك عـمـري مــا شـلـت الـنــدم ..
مــــا أصــلـــوا حـــــال الـدنــيــا ..
تـســرق مُـنـيـة فـــي لـحـظـة عـشــم ..
وأنـــا عـنــدي لـيــك كـــان الــفــرح ..
رغــم إحتمـالـي أسـاكـي يــا جــرح الألــم ..
كان خوفي منك جاي .. من لهفة خطاك على المواعيد الوهم
أهـــوه نـحــن فـــي الآخـــر ســــوى ..
بـــاعــــنــــا الــــــهــــــوى...
مـاشـيــن عــلــى ســكـــة عــشـــم !!
وبــقــيــت أغـــنــــي عــلــيـــك ..
غـنــاوي الـحـسـرة والأســـف الـطـويــل ..

زيدان ابراهيم

كنوز محــــــــــــــبة


لما تشتاق لي المشاعر

تملي دنياك بي عبيرا

لما تشتاق لي العواطف

تنسجم تلبس حريرا

و أبقي أسأل عن قلوبنا

تلقي فيها كنوز محبة

تلقي فيها بحور حنانا

و تلقي فيها الشوق يغرد

و تلقي فيها الريدة فارد

جناحها تشتاق للربيع

و يا ربيع آهـ يا ربيع

لما تقسو عليك ليالي

الوحدة و الليل يبقي ليل

و النجوم تلمع بعيد

تسخر من السهران وحيد

برضو أسأل عن قلوبنا

تلقي فيها كنوز محبة

تلقي فيها بحور حنان

و تلقي فيها الشوق يغرد

تلقي فيها الريدة فاردة

ناحها تشتاق لي الربيع



إنت ما برضك حبيبنا

والحنان الفي قلوبنا

أصلوا ما نابع من عيونا

والمحبة فيها لو ما إنت

ما كانت محبة

كل أشواقنا ومشاعرنا

وأحساسينا النبيلة

إنت ما أهديتا لينا

ليه تضيع أحلى ما أهديت ياغالي

أوتذكرين ..
شعر عوض أحمد ..
غناء عبد العزيز داؤد

أوتذكرين صغيرتى
أو ربما لا تذكرين
الخمسة الأعوام قد مرت ، ومازال الحنين
الشوق والأحلام ،ما زالت تؤرق ، والسنين
هل كان حبا يا ترى أم كان وهم الواهمين؟
هل كان حبا لاهيا
أم كان شيئا كاليقين
هل كنت تعنين الذى لى تدعين
ما زلت أذكر خصلة
عربيدة فوق الجبين
ما زلت أقرا فى السطور
فأستبين البعض أو لا أستبين
والعطر والأنسام تغمرنى
بفيض الياسمين
منديلك المنقوش جانبه
أوتذكرين .. وتذكرين
ما كان قصدى أن أبوح
وربما قد تصفحين

ذاد الشجون
محمد الامين


ماهو باين في العيون

الهوى البعث الليالي العامره بي ذاد الشجون

وين حنهرب منو وين

* * * * *

ما افتكرت الحظ يساعد عمري ويردك من جديد

من بعد فرقتنا ديك مين كان بيفتكرك تعود

كنت بحتاج ليك بشـــــــده وانت عني بعيـــــــــد

مافي عيشه بلاك بتبقى مافي نشوه ومافي ريد

والهوى الجمبك عرفتو عاطفه ملتهبه وجنون

وين حنهرب منو وين

* * * * *

اهٍ ادعيـــــنا وقلنا تاني ما حنشتاق في عمرنا

وقبل ما تمر ليله واحده بي حراره الشوق غمرنا

كم لهيـــنا وقلنا يمكن ندفن الحب في سهرنا

الحياة صعبت علينا وبي اثر فقدك شعرنا

شفت كيف حبك حياتنا

وكيف بدون حبك نكون

وين حنهرب منو وين

* * * * *

شفت كيف حبك بيعمل يشغل الوجدان يعزب

وبرضو بتقول عني خادعك اني بتلاعب وبكزب

ليك حق دنيلك خاليه لابتشيل هم لا بتتعب

كنت تتعلم تجامل لو فؤادك مره جرب

انو ما يدق دقه واحده الا يتفجر حنين

يفتح قلوبنا ديار محبه ديار حياة للعائدين

ما بنقاوم .كيف حنقدر .وين حنهرب منو وين

واقف براك
شعر: مدنى يوسف النخلى
غناء: الاستاذ مصطفى سيد احمد

واقف براك
والهم عصف
ريحاً كسح زهرة صباك
ليلاً فتح .. شرفة وجع
قمراً رحل فارق سماك
*******
مطر الحزن عاود هطل
جدد عذاب الأرصفة
ضى المصابيح البعيد
أتعب عيونك .. وإنطفا
لمتين مواعيدك .. سراب
والريد شقا .. حرقة .. وجفا
********
بعد المشاوير البقت .. ممدودة فى نبض التعب
بتعود وتلقى رِجاك زول
حفظ الوداد زمناً صعب
والباقى من ليل الهوى
وعطر الصبابة الما أنسكب
والباقى من كل الغنا
وسيل الكتابة ..
الما نضب

محمد وردي - القمر بوبا
اسماعيل حسن

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل

الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل

الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل

القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل

الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل

الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل

الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل

بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل

المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل

الرائع عمر : لقد اتحفتنا بروائع مكتنزاتك وجمال صورتك الفي البوست ماشاء الله الله يحفظهم ليك واشجينا من روائعك دمت لنا سارية للحي المتفرد

وليد كرنديس

وليد كرنديس

لك التحايا والشكر على المرور الكريم وكلماتك تزيدنا اصراراً على المواصلة
تقبل فائق تقديري واحترامي
ودمت سالماً

قائد الأسطول
الشاعر سيد عبد العزيز

يا قائد الأسطول تخضـع لـك الفرسـان
ياذو الفخار والطول أرحم بنـى الإنسـان
مين لسماك يطول ما بطولـك اللمسـان
معناك شرحـو يطـول والله يـا إنسـان
أصدق كفانا مطول ياذو الحسـن إحسـان
أنا عقلى بيك مختول والناس عقول ولسان
مـا بنكـر المعقـول آمنـت بالأيـمـان
يا الطلسم المصقول بـدل لخوفـى أمـان
بالنور سحرت عقول كانت صميمة زمـان
يا من تحق القول قتل النفـوس حرمـان
وما الجندى والمكتول و طالـب الغفـران
من أيـدو راح منتـول واتوهـد النيـران
فاقد الصواب مبتـول ممـا رأى حيـران
أصبح زهر مشتول وفاح مـلا الجيـران
يا علة المعلول كـم أومـى ليـك بنـان
كم من أسير مغلول مالاقي لحظة حنـان
يرى وعدك المحلول زى حجـة الوسنـان
والكان سكونه تلول مـا ببدلهـم بجنـان
يا حبيبي كون ممهـول وليكـون ماكـان
الفى غد مجهول والماضى إسمـه الكـان
نفديك شباب وكهول ونبقى ليـك أركـان
فى قصـرك المأهـول ونخـدم السكـان
يالفى سماك مفصول تنشاف عيان وبيـان
ما عرفنا ليك وصول وما دنيـت أحيـان
إنت الخطـاك أصـول .. ويعلـم الديـان
مثلت فينا فصول مـا بدرسهـا النسيـان
ناقم على الأيام مع أنـه طبعـى صفـوح
انا والخيال فى جدال وانت بنـداك منفـوح
كل ما النسيم يغشاك زى الحديقـة تفـوح
رايق كحيل نعسان انسان رقيق وجمـوح
ساحر العيون بجمال فى سواك ما مملوح
ان كان تميس بنميس ان كان تموج بنموج
عدل الطبية جعل جور الحبيـب مسمـوح

في الضواحي
الشاعر خليل فرح

في الضواحى وطـرف المدايـن
يلا ننظـر شفـق الصبـاح ...
قوموا خلو الضيق في الجنايـن
شوفوا عز الصيد في العسايـن
يلـه نقنـص نطـرد نعـايـن
النهـار أن حــر الكمـايـن
كلبي جمجـوم أصلـه خايـن
شوفوا كيفـن يبـرأ الملايـن
هب شال وكشـح المـراح ...
للقنيص الخيـل خـف راسـن
نحن ما بنخاف مـن مراسـن
المكارم غرقنا ساسن والمجاهل
مـيـن غيـرنـا سـاســن
ان عطشنا نمـز مـر وآسـن
وأن عشقنا بنعشـق محاسـن
فى المحاسن كفي يومنا راح ...
في الخميلة انجلـت المحاسـن
عيني حايرة ومشي قلبي جاسن
بعض حسنك هي يـا محاسـن
الحرير حيـن قدميـك داسـن
والزهور حين شفتيـك باسـن
والغصون من لدنـك مياسـن
والنسيم فاح بكـر المـلاح ...
يـا الطبيعـه الواديـك ساكـن
ما في مثلك قط فـي الأماكـن
يا جمـال النـال فـي ثراكـن
يـاحـلاة البـرعـن أراكــن
في قفاهن تـور قرنـه ماكـن
لا غشـن لا شافـن مساكـن
في الخزام والشيخ والبـراح ...
شوف صباح الـوادي وجمالـه
وشوف خضاره وصيده ورماله
شوف يمينه وعايـن شمالـه
شوف نسيم الليل صاحي مالـه
شوف فريع الشاو مين أمالـه
القمـر خجـلان مـن كمالـه
والصباح لا بهـل الوشـاح ...
يـا أم لسانـا لسـع معجـن
كلمة كلمـة وحروفـه ضجـن
ديل خدودك غير داعـي وجـن
ديل عيونك من غير سبه لجـن
ديل دموعك من نظـرة شجـن
ده دلال ايـه ده دلال معـجـن
محـن الامـات يــا رداح ...
ماك نسيم الليـل بـي بـرودك
نامت الازهـار فـوق خـدودك
غرد العصفـور فـوق عـودك
النفوس مـا اتعـدت حـدودك
ما عرفنا عـدوك مـن ودودك
بس أنا المقسوم لـي صـدودك
يا حياتي وأملي اللـي راح

مداعب الغصن الرطيب
الشاعر سيد عبد العزيز

يا مداعب الغصن الرطيب
فى بنانك ازدهت الزهور
زادت جمال ونضار وطيب

يالمنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب

تعجبنى والشىء العجيب
هادي وأليف ماك النفور
بى عفتك صنت السفور
والحسن والأصل النجيب

انا وانت فى الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب

والروضة فى موقع خصيب
حضنوها واتلافوا النهور
ترى فيها انواع الزهور
من كل لون أخدت نصيب

يانع ثمارها ونص وطيب
أِبه بربات الخدور
الإنبرجن فى يوم حبور
زادن جمال ونضار وطيب

فى الروض غنى العندليب
ورددوا غناه الطيور
ترتيل أناشيد الحبور
وفتيانها يوم عيد الصليب

دنت الثريا بقت قريب
بين السلوك فى تانى دور
فى ثانية كم سطعت بدور
وأهلة كان نوعن غريب

شىء ينعش الروح فى الأديب
ويحيى روح ميت الشعور
للقاك تنشرح الصدور
ويفرح القلب الكئيب