رد: أي بت شديدة بتحب ليها طُلبة (صبي بناي)

من طرف محمد مصطفى السبت يونيو 13, 2009 3:56 pm

الأخ الكريم طارق جبريل

ألف لابأس عليك يارب
شفاك الله وعافاك
أجر وكفارة إن شاء الله

اعذرنا .. قصرنا في السؤال عنك ...
ومتابعين معاك حكاية عوض وال ( برونبوفيه)

من طرف طارق جبريل السبت يونيو 13, 2009 4:26 pm

محمد مصطفى كتب:الأخ الكريم طارق جبريل

ألف لابأس عليك يارب
شفاك الله وعافاك
أجر وكفارة إن شاء الله

اعذرنا .. قصرنا في السؤال عنك ...
ومتابعين معاك حكاية عوض وال ( برونبوفيه)

ابو حميد كيفنك
والله وعكة طارئة كدة جهجهتنا
الظاهر الكبر حصل
Very Happy

من طرف محمد مصطفى السبت يونيو 13, 2009 4:45 pm

اي نعم أنا دفعة راشد جبريل ..
بس دا ما معناهو إنك كبرت للدرجة دي ياطارق ..
ولو جبت لينا راشد هنا يكون جميل ..

ألف لابأس عليك مرة تانية

من طرف طارق جبريل السبت يونيو 13, 2009 4:56 pm

محمد مصطفى كتب:اي نعم أنا دفعة راشد جبريل ..
بس دا ما معناهو إنك كبرت للدرجة دي ياطارق ..
ولو جبت لينا راشد هنا يكون جميل ..

ألف لابأس عليك مرة تانية

محمد كيفنك
والله من قبيثل مقنطر منتظر راشد
الايام دي نقلوهو الشارقة ولسة ما استقر عشان يظبط موضوع النيت دة
ياخي لسة في مشكلة في عرض المواد في المنبر العام
لسة المواد بتظهر متداخلة كدة
ما عارف المشكلة عندي ولا من عندكم

من طرف muneer idrees السبت يونيو 13, 2009 6:30 pm

الاخ طارق الف لا باس عليك
متابعين قصتك المشوقة للمرة الثانية وحقيقة اسلوبك فى الكتابة اكثر من رائع ..... واصل
تحياتي عبرك للاخ التجاني جبريل

من طرف طارق جبريل السبت يونيو 13, 2009 11:51 pm

muneer idrees كتب:الاخ طارق الف لا باس عليك
متابعين قصتك المشوقة للمرة الثانية وحقيقة اسلوبك فى الكتابة اكثر من رائع ..... واصل
تحياتي عبرك للاخ التجاني جبريل

منير كيفنك
يا سيدي شكرا على الكلمات الطيبات
التجاني في السودان طبعا بس بوصل ليه تحياتك
كل الود

من طرف ابراهيم هيمة الأحد يونيو 14, 2009 12:09 am

اخونا الصغير طارق تحياتى العطرة
واللة عايز اسئلك عن اخوة اعزا هم الاخوان متوكل ولطفى جبريل عن اخبارهم وصحتهم ارجو ان يكونو بالف خير وايضا الاخوان سيف الشايقى انور حسن موسى طبعا اولاد دفعة وفقدنا الاتصال من زمن طويل منى لهم الف سلام ولك ايضا انا ماعارف عرفتنى ولالا اخوك ابراهيم شوكت هيمة مربع6
المانيه تلفون00491743193927

من طرف طارق جبريل الأحد يونيو 14, 2009 1:33 am

ابراهيم هيمة كتب:اخونا الصغير طارق تحياتى العطرة
واللة عايز اسئلك عن اخوة اعزا هم الاخوان متوكل ولطفى جبريل عن اخبارهم وصحتهم ارجو ان يكونو بالف خير وايضا الاخوان سيف الشايقى انور حسن موسى طبعا اولاد دفعة وفقدنا الاتصال من زمن طويل منى لهم الف سلام ولك ايضا انا ماعارف عرفتنى ولالا اخوك ابراهيم شوكت هيمة مربع6
المانيه تلفون00491743193927

العزيز هيمة كيفنك ياخي
اكيد عرفتك ياخي اشهر باك في الوحدة معقولة بس
بخصوص الاخوان الذين ذكرتهم:
- متوكل جبريل للاسف توفي غرقا منذ عامين بالخرطوم رحمة الله عليه
- لطفي جبريل موجود وساكن حاليا في مربع 11 ومتزوج من نفس المربع
-سيف مكاوي(الشايقي) موجود وساكن في العشرة
- انور حسن موسى موجود في امريكا حاليا

من طرف الفاتح الجوص الأحد يونيو 14, 2009 2:53 am

يا دكتور سلامه وكفاره والله متابع القصه ومتابعك
بس ما تغيب علينا لانه الواحد لازم يرجع الفصل القبلو (قبلو وحده)عشان يشوف وقفنا وين
تحياتى

من طرف أميقو الأحد يونيو 14, 2009 8:46 am

ربنا يكتب ليك السلامة يا دكتور
لكن الظاهر انو المرض مرض حب
واخونا عوض سبقك علي الجكسوية وذكريات القصة
دي بتهيج مشاعرك
هههههههههه
ربنا يديك العافية

يا دكتور ..
انت لسه مصارينك دي بتاورك ؟
الف لاباس عليك ..

كمل... كمل

من طرف محمد مصطفى الأحد يونيو 14, 2009 12:52 pm

والله من قبيثل مقنطر منتظر راشد
الايام دي نقلوهو الشارقة ولسة ما استقر عشان يظبط موضوع النيت دة
ياخي لسة في مشكلة في عرض المواد في المنبر العام
لسة المواد بتظهر متداخلة كدة
ما عارف المشكلة عندي ولا من عندكم.

ربنا يوفق راشد ويستقر ويجينا هنا كمان
لكن المواد متداخلة كيف؟
نناقش النقاط دي في منتدى المشرفين بإسهاب ياطارق

العزيز أميقو .. وين ماظاهر ياراجل؟
الجص موجود بكثرة .. ماشاء الله (قبلو وحدو)
وياكع لي خرطمائة سنة ماسمعت تعبير ( بتاورك) دا lol!

من طرف طارق جبريل الأحد يونيو 14, 2009 8:37 pm

سلام يا شباب
كدي نديكم حلقة ونرجع تاني

(4)
المهم يا الزينين زولكم بقى يهضرب بالبنية والبنية مكسرة فيهو... واصلو كان لي عوض ما عايز الطابق اليلم دا كلو كلو ما يتم... عوض المسكين الغنماية تاكل عشاهو بفى يغني شيتا: اساسق بالدريب الجايي بي حداكا.... وشيتا انا دستوري نازل هناك في العمارات... ودي ما بعرفو جابها من وين... دحين انا شفت زولي اتشعلقلو جنس شعليقة يفكو منها الله ساكت..
- شوف يا عوض انت راجل رفيق العمر كله القصة شكلها ما لافقة معاك
- ياخي ليه عشان انا فقير يعني
- ما كدة يا الحبيب بس انت لسة المشوار قدامك فيهو مليون كيلومتر
- ياخي بقطعوا معاها
- يا راجل البنية دي سميحة ما قلنا حاجة بس صعب تنتظرك حا يجي اي واحد مرتاح ومتمسح ويخطفها منك وانت تبقى فاتح خشمك زي العوير...
- ياخي انت مالك عايز تكسر مقاديفي
- هي وينة مقاديفك دي انت عندك بلتون اخوان وناس ابوك راجنك تقول لي مقاديف
زولكم عين لي كويس وكبسني بنية وخلاني مرمي ومشى...

[quote="طارق جبريل"][color=red][right]سلام يا شباب
كدي نديكم حلقة ونرجع تاني

(4)

- ياخي انت مالك عايز تكسر مقاديفي
- هي وينة مقاديفك دي انت عندك بلتون اخوان وناس ابوك راجنك تقول لي مقاديف

والله يادكتور متخيل منظرك وعوض دا يظهر رقيق كرقة النسيم ..
واصل واصل يا دكتور والله يصبرنا للحلقة رقم 50 علي رأيك ..

من طرف طارق جبريل الأربعاء يونيو 17, 2009 11:03 am

اها يا ود العاقب

(5)
المهم يا الحبان اخدت بنيتي ومشيت كمدتها في قلبي وكملت شغلي ومشيت للبيت...
اصبحنا الصباح وكان يوم خميس وطبعا يوم الخميس مهم جدا في حياة الطُلب لانه يوم صرف القروش... والواحد دايما بيكون قافل على كيلو باسطة وكدة..
المهم عوض جاء مبلم لا ناضمني لا ناضمتو... كل واحد فينا مشى لي شغلو...
عوض علي زعلتو مني البنية الصباح كلو كلو ما ظهرت... زولكم عيونه حمرت وعرقوا نازل يخرخر... ووشو بقى زي ملاح الويكة البايت.. تاوقت عليه من فوق لقيتو رفع فنيلتو العجيبة ديك لي نص كرشو..
اصلو زولي عندو كرش ومع رفع الفنيلة دة بقى عامل زي الزول البالع ليه (قُلة)... وعلي العليه قام رفع بنطلونه السجمان داك لي ركبتو... والرجلين تحلف تقول كُنش عصيدة...
هسا البت السجمانة دي العاجبها في الزول دة شنو ما عارف..
مشينا نفطر وزولكم حارن،،، وعوض في الاكل عندو اكل غريب خلاص وحاتكم يقع في صحن الفول دة جف جف جف جف زي الكلب لامن يكون عطشان ويشرب من صحن الطلس...
لكن زولكم شال ليهو لقمتين وقام...
بس ربكم ربك الخير مع رجعتنا ظهرت ام الحسان... كان اشوفلكم الراجل فرح وابتسم زي الزول العندو ام فريحانة...
قبضنا قريشاتنا من المعلم ومشينا لي بتاع الباسطة دغري ولهطنا باسطتنا في امان الله..
في الطريق الزول ما مبسوط وعايز يصالحني:
- انت لسا زعلان
- ازعل ليه انت حر انا حبيت بس انبهك
- تنبهني لي شنو
- لي وضعك والمشوار الطويل المنتظرك
- ياخي ما ممكن يمشا مع بعض
- ما ممكن يا عوض انت عارف انت عندك كم اخو واخت وناس ابوك قافلين عليك قدر شنو
- عارف
- لا ما عارف.... ياخي انت نسوان الحلة ينجارن عشان يحصلن بتاع اللبن قبل ما يصل بيتكم واللبن يكمل عليهن... ولا بتاع العدة النسوان كلهن يشترن
نص دستة كبابي ونص دستة صحانة انت امك تشتري دستتين ونص احتياطي عشان البلتون العندكم دة... ياخي انت بتاع العناقريب لمن يدخل بيتكم يطلع
منه بعد تلاتة يوم لامن نفسو ينقطع وهو ينجد في العناقريب تحلف تقول زول من البيت... بعد دة كله تقول لي عارف...
وصلنا بيوتنا كداري من العمارات وكل واحد فينا مشى لي بيتو...
بالله يوم الجمعة من اصبحت اشوف ليك زولي لابد جنب بتاع الدكان...
مشيت عليه وسلمت على بتاع الدكان... شويتين اكان نسمعلك جرس تليفون الدكان:
- بالله عوض جنبك.... ابو الزفت البنية السميحة على التليفون.. اتاريه مصنقر هنا من اصبحت
- الو صباح الخير (سبحان الله عوض وصباح الخير اصلهم ما بيتلموا)
وشوية انا والهادي بتاع الدكان نسمع في القرقراب والضحك تحلف تقول الولد مولود في مقاطعة سان جيمس ما في الامتداد
- والله انا ذاتي اشتقت ليك... دة الكلام

[img]

أي بت شديدة بتحب ليها طُلبة (صبي بناي) - صفحة 2 VZt55324

[/img]

من طرف طارق جبريل الأربعاء يونيو 17, 2009 7:17 pm

عمر شيخ الدين الزبير اربا كتب:[img][/img]

عمر كيفنك
خلاص نديك حلقة الليلة

من طرف طارق جبريل الأربعاء يونيو 17, 2009 7:19 pm

(6)
انا والهادي بتاع الدكان سكتنا ساكت وزولكم شغال في التليفون..
- والله انا زاتي ما عارف ليه عملوا لينا الجمعة دي اجازة
الزول دة اظنو الصلاة بقى ما فاضي فيها... وشوية شوية تسمع الضحك... بالله عوض الضحكة تمرق من حلقو زي قدرة الفول الهاجرنها بي حجر.. خخيي اهييييييييي اههههه..
- الليلة شربتي شاي الصباح بدوني...
هو دة حب دة ولا صينية فطور...
- بس انا وحياتك لي هسا ما فطرتة وما اظني بقدر لانه شايك بتاع الصباح كان بيفتح نفسي...
جملة الايمان الزول دة الصينية اليقعد فوقها يلحقا امات طه.. يمين يقوم آخر زول ولو جو صورو الصحانة والصينية من بعدو بالاشعة ما يعرفوا كان فوقها شنو من شدة ما مسحها مسح...
- اها الليلة شربتي عصير المنقة ولا خلطي ليمون بس..
اول مرة اشوف لي حب في انواع الفواكه في سوق الخضار...
- تعرفي انا بتعجبني وجناتك شديد...
سبحان الله عوض كلامه كله طوب وملطم واسمنت الليلة كمان بقى يعرف الوجنات..
- لا والله ما بجاملك انا لو بجاملك معناها بغش في نفسي...
الزول دة بعد شوية حا يقول لي ما عايز اشتغل طلبة تاني..
- انت لو عايز تعرفي نفسك كويس انا بديك عيوني عشان تشوفي بيها نفسك..
شن طعم عيونك وهن عملات زي عيون الصبرا كدي ما فيهن اي تعبير..
- تعرفي يدك من شدة ما رطبة وناعمة لمن اسلم عليك شعر جسمي كله يقوم..
شعر جسمك قايم خلقة.. الزول دة بالله تقول ابو القنفد شعره كله قايم زي الابر
حتى شعر نخرينو طالع زي المسمار الداقنو معوووج في خشبة....
ربكم رب الخير جاب مصطفى اخوهو الصغير يناديهو للفطور حتى زولكم قطع المكالمة..
وقام جري للبيت... شفتو الزول النفسو مسدودة... يمين انطلق زي بيرك عربات السفراء
للفطور..

ودجبرين سلامات

انتا المنتدي دا مافيهو ناس اليل ولا شنو

ماتدينا حاجه سريعه كدا هههههه

عمر ارباب

من طرف طارق جبريل الأربعاء يونيو 17, 2009 7:35 pm

عمر شيخ الدين الزبير اربا كتب:ودجبرين سلامات

انتا المنتدي دا مافيهو ناس اليل ولا شنو

ماتدينا حاجه سريعه كدا هههههه

عمر ارباب

والله يا عمر بكري بهناك شال كودات الغناء قطعنا لينا في راسنا
نشوف لينا ناس ليل هنا في الامتداد

من طرف شهاب الجمري الأربعاء يونيو 17, 2009 8:36 pm

لاخوان الامتداداب الحلوين سلام للجميع,, اخونا د طارق والله القصة ممتعه شديد ربنا يديك العافية انا كنت متابعها في موقع تاني ووصلت معاك لحدي ما وقفته اتخيل لي الحلقة (12) ( دي يعني تشيلو الصبر يا محمد مصطفي) والمشكلة اني نسيت الموقع كان وين وما تميتها وجيت لقيتها هنا بس المشكلة الاكبر اني ح اعيدها من جديد شفته المصيبة؟ عشان كده رجاءً اديني ليها اتنين اتنين .
ولك الود

من طرف الفاتح الجوص الأربعاء يونيو 17, 2009 9:15 pm

طارق والله متابعين بشفغه ربنا يديك العافيه
بس عليك الله كلام شبشب ده ما تسمعه يعنى هو عاوز يخلص سريع من القصه عشان ما نشوفه تانى
قال اتنين اتنين Cool

من طرف شهاب الجمري الأربعاء يونيو 17, 2009 9:40 pm

الجص انا عارفك بالك واسع لو حكاها نص حلقة نص حلقة ما عندك مانع. انا ما عندي مشكلة بس نصل محل انا واقف وبعد داك حلقة حلقة. رايك شنو يادكتور

من طرف طارق جبريل الخميس يونيو 18, 2009 11:30 am

شهاب الجمري كتب:لاخوان الامتداداب الحلوين سلام للجميع,, اخونا د طارق والله القصة ممتعه شديد ربنا يديك العافية انا كنت متابعها في موقع تاني ووصلت معاك لحدي ما وقفته اتخيل لي الحلقة (12) ( دي يعني تشيلو الصبر يا محمد مصطفي) والمشكلة اني نسيت الموقع كان وين وما تميتها وجيت لقيتها هنا بس المشكلة الاكبر اني ح اعيدها من جديد شفته المصيبة؟ عشان كده رجاءً اديني ليها اتنين اتنين .
ولك الود

يا شهاب لو اديتني رشوة تذكرة للامتداد بكبها كلها هنا

Very Happy

من طرف طارق جبريل الخميس يونيو 18, 2009 11:31 am

الفاتح الجوص كتب:طارق والله متابعين بشفغه ربنا يديك العافيه
بس عليك الله كلام شبشب ده ما تسمعه يعنى هو عاوز يخلص سريع من القصه عشان ما نشوفه تانى
قال اتنين اتنين

الجوص بعد دة حا نشتغل بالرشاوي
اضعف الايمان صحن بوش Laughing